თბილისის მოსწავლე-ახალგაზრდობის სასახლეში საბრძოლო მასალაა აღმოჩენილი. აღნიშნულ იმფორმაციას შინაგან საქმეთა სამინისტროს პრესსამსახურში ადასტურებენ.

გავრცელებული ინფორმაციის თანახმად, ყუთში მოთავსებული საბრძოლო მასალა ერთ-ერთ ოთახში, სარემონტო სამუშაოების დროს, კედელში იპოვეს.

 აღმოჩენილი საბრძოლო მასალის სიძველიდან გამომდინარე, ის სავარაუდოდ, ვარგისი არ არის, თუმცა მას ექსპერტიზა მაინც ჩაუტარდება.

ადგილზე საგამოძიებო მოქმედებები უკვე დასრულებულია, სწავლის პროცესი კი არ შეფერხებულა.