„საშინელება მოხდა ბატონო შოთო არავის არ გვჯერა ეს შემზარავი ამბავი ძალიან კეთილი თბილი არაჩვეულებრივი ადამიანი იყო. გთხოვთ დაგვეხმაროთ საქართველოში გადასვენებაში დაუჯერებელია ის რაც მოხდა“, - წერენ ემიგრანტები შოთო სიხარულიძეს.
თურქეთში მყოფი ემიგრანტები შოთო სიხარულიძეს დახმარებისთვის მიმართავენ და ითხოვენ მკაცრად დაისაჯოს მკვლელები.
„ეს საშინელი ფაქტი, კიდევ ერთხელ ადასტურებს იმას თუ რა რთულ პირობებში უხდებათ ქართველ ემიგრანტებს ფულის შოვნა და ოჯახების დაპურება
ეს ტრაგედია, ყველა ქვეყანაში მცხოვრები ემიგრანტების ნაწილია!“ - წერენ ემიგრანტები.
საქართველოს მოქალაქის მკვლელობაზე წერს თურქული პრესაც. ადგილობრივი გამოცემების ინფორმაციით, ქალს, რომელიც ერთ-ერთ კლუბში მუშაობდა, ღამით ქუჩაში დაესხნენ თავს. დაჭრეს მასთან ერთად მყოფი ორი მამაკაციც.
გავრცელებული ცნობებით, ადგილობრივმა პოლიციამ თავდასხმელების დასაკავებლად ოპერაცია დაიწყო.

მასალის გამოყენების პირობები






