ჩინეთის ქალაქი უხანი, როგორც ცნობილია კორონა ვირუსის გავრცელების ეპიცენტრია, ამ დრომდე ქალაქში კარანტინი იყო გამოცხადებული და ვირუსის გავრცელების თავიდან ასაცილებლად მოქალაქეებს ქალაქის დატოვების საშუალებას არ აძლევდნენ. თუმცა უახლესი ინფორმაციით, ჩინეთის მთავრობის გადაწყვეტილებით, ჩინეთის მოქალაქეებს, რომელთა ოჯახის წევრი უცხო ქვეყნის მოქალაქეა, უხანიდან გასვლის უფლებას მისცემენ. განცხადება ქვეყნის საგარეო საქმეთა სამინისტროში გაკეთდა.

მსოფლიოს რამდენიმე ქვეყანამ უხანიდან საკუთარი მოქალაქეების ევაკუაცია უკვე განახორციელა. ერთ-ერთი ბოლო ბრიტანეთია, რომელმაც ჩინური მხარისგან ევაკუაციის უფლება რამდენიმე საათის წინ მიიღო.