აჭარის ჯანდაცვის მინისტრის მოადგილის, ნინო ნიჟარაძის განცხადებით, ბათუმში დაკვირვების ქვეშ მყოფ ჩინელ ტურისტებს კორონავირუსი არ დაუდასტურდათ.

მისი თქმით, ლაბორატორიული კვლევის შედეგები უკვე ცნობილია, რომლის მიხედვითაც კორონავირუსი არ დადასტურდა. ჩინელმა ტურისტებმა აჭარის რეგიონი უკვე დატოვეს.

შეგახსენეთ, ჩინეთიდან ოთხი ქალბატონი ბათუმში გუშინ შევიდა, ორ მათგანს ჰქონდა ტემპერატურა, რის გამოც მათთან შეთანხმებით განხორციელდა შეტყობინება საგანგებო სიტუაციათა სამსახურში და მათზე დაკვირვება დაიწყო.