საფრანგეთში პრეზიდენტი მიხეილ სააკაშვილი და თბილისის მერი გიგი უგულავა ცნობილი იურისტის ერიკ დუპონ მორეტის დასაქირავებლად წავიდნენ - ამის შესახებ, საკუთარ წყაროზე დაყრდნობით საფრანგეთში მცხოვრები ჟურნალისტი გიორგი ფოფხაძე წერს:

,,როგორც მითხრეს ამ კაცის დასაქირავებლად წამოვიდნენ საგრანგეთში გიგი მანდელა და პრეზიდენტყოფილი... თუ ბატონი დუპონ-მორეტი გახდა დავით კეზერაშვილის ადვოკატი, საქართველოს პროკურატურას მეტად გაუხლაფორთდება საქმე, რადგან ერიკ დუპონ-მორეტის ჯერ საფრანგეთში საქმე პრაქტიკულად არ წაუგია,“- წერს ფოფხაძე ,,ფეისბუქზე“.

გიორგი ფოფხაძის ინფორმაციას არ ემთხვევა ოფიციალური ინფორმაცია, რომელიც პრეზიდენტის ადმინისტრაციამ და თბილისის მერიამ გაავრცელეს. უწყებათა ცნობით, საქართველოს პრეზიდენტი და თბილისის მერი ბრიუსელში გაემგზავრნენ, სადაც ჟოზე მანუელ ბაროზოს შეხვდებიან. დაგეგმილია ასევე საქართველოს პრეზიდენტის შეხვედრები ევროპელ ლიდერებთან.