მადეპუტატ ანრი ოხანაშვილის საქმეზე ბრალდებულ ვახტანგ რობაქიძეს სამხარაულის ექსპერტიზის ეროვნულ ბიუროში ექსპერტიზა უტარდება.

ვახტანგ რობაქიძე ამტკიცებს, რომ მას პოლიციელი ფიზიკურად გაუსწორდა.

რობაქიძემ ექსპერტიზაზე შესვლამდე განაცხადა, რომ ექსპერტიზის შემდგომ მოხდება დადგენა, თუ რა ტიპის დაზიანებები მიიღო ბაკურიანის პოლიციის განყოფილებაში.

„გუშინ, სახელმწიფო ინსპექტორის სამსახურში მივეცი ჩვენება დაზიანებებთან დაკავშირებით. დაზიანება მაქვს ხელისა და მუცლის არეში. ეს მოხდა ერთი კვირის წინ. ახლა შევდივარ ექსპერტიზაზე. ექსპერტიზას მიტარებს ​სახელმწიფო ინსპექტორის სამსახური. იმედია, გამოვლინდება ის დაზიანებები, რომელიც მომაყენეს ბაკურიანის განყოფილებაში. შევდივარ, რათა დადგინდეს ჩემი დაზიანება რაც მომაყენეს ჩემი დაკავების მომენტში. ერთმა ადამიანმა მომაყენა მუცლის არეში ხელით დაზიანება. მიმდინარეობს გამოძიება და აუცილებლად დავადგენთ იმ ადამიანის იდენტობას. შეურაცხყოფა ალკოტესტის ჩაბერვის გამო მომაყენა, ორჯერ ვცადე და არ გამომივიდა, ვერ შევავსე ის შკალა და ამის გამო გაღიზიანებულმა დამარტყა. პოლიციის განყოფილებაში ვიყავი და შესაბამისად, სამოქალაქო პირი ის ვერ იქნებოდა, მაგრამ სამოქალაქო ფორმაში იყო ჩაცმული“, – განაცხადა ვახტანგ რობაქიძემ.