მსოფლიო ახალი საფრთხის წინაშე - ჩინეთში აღმოჩენილი უცნობი ვირუსით დაავადებულთა რიცხვი იზრდება

ჯანმრთელობა - 17:36, 19 Jan, 2020

3921

ჩინეთის ხელისუფლებამ ოფიციალურიად აღიარა, რომ 60 ადამიანი, რომელებმაც ქვეყნის სამედიცინოდაწესებულებებს მიმართეს, დღემდე უცნობი ვირუსით არიან დაავადებულნი. თუმცა, ექსპერტები ვარაუდობენ, რომ დაავადებულთა რიცხვი გაცილებით მეტია და ის შესაძლოა 1700-ს აჭარბებს.

როგორც ცნობილია, დეკემბერში, ამ ვირუსისგან, რომელიც უმძიმეს რესპირატორულ დაავადებებს იწვევს, 2 ადამიანი გარდაიცალა. ის პირველად ჩინეთის ქალაქ უხანში დაფიქსირდა. რაც შეეხება მის გავრცელებას - მედიკოსებმა უკვე იპოვნეს ერთი დაავადებული იაპონიაში და ორი - ტაილანდში.

"სიტუაცია გაცილებით მძიმეა, ვიდრე ერთი კვირის წინ იყო", - აცახდებენ ეპიდემიოლოგები.

შეგახსენებთ, რომ უხანში 18 მილიონი ადამიანი ცხოვრობს, თუმცა, ქალაქის საერთაშორისო აეროპორტიდან დღეში მხოლოდ 3400 მგზავრი მიფრინავს.

სინგაპურში და ჰონგ-კონგში უკვე ხდება ყველა მგზავრის შემოწმება, რომლებიც ჩინეთიდან და კერძოდ უხანიდან ჩამოვიდნენ. ანალოგიური ზომებია მიღებული აშშ-ის სამ მსხვილ აეროპორტებში - ნიუ-იორკში, ლოს-ანჯელესში და სან-ფრანცისკოში.

აღიშნული ვირუსის გამოკვლევა ბრიტანეთის საიმპერიო კოლეჯის ინფექციურ დაავადებათა გლობალური ანალიზის ცენტრში ჩატარდა. ეს ორგანიზაცია კონსულტაციას უწევს როგორც ბრიტანეთის ხელისუფლებას, ასევე მსოფლიო ჯანდაცვის ორგანიზაციას.

მსოფლიო ჯანდაცვის ორგანიზაციამ და ჩინეთმა ვირუსი კორონოვირუსების კატეგორიას მიაკუთვნა. როგორც ცნობილია, კორონოვირუსების ოჯახიდან მხოლოდ 6-ს შეუძლია ადამიანის დაინფიცირება, ვირუსის გენეტიკურმა ანალიზმა აჩვენა, რომ ის უფრო ახლოს დგას ვირუსებთან, რომელიც მძიმე, მწვავე რესპირატორულ სინდრომს იწვევს, ანდა ატიპიურ პნევმონიასთან.

ჩინელები ირწმუნებიან, რომ ჯერჯერობით არ დაფიქსირებულა ვირუსის ადამიანიდან ადამიანზე გადაცემის ფაქტი. ვირუსმა სახეობათა შორის ბარიერი გადალახა და ყველა დაავადებულს ის ცხოველისგან, უხანის ბაზარში შეეყარა.

ამ დასკვნაში ეჭვი ბრიტანელებმა შეიტანეს, რადგან მათი აზრით, დაავადებულთა ასეთი რიცხვი თავისთავად მეტყველებს იმაზე, რომ აქ მხოლოდ დაავადებულ ცხოველებთან კონტაქტთან არ გვავს საქმე.

ექმიმები აცხადებენ, რომ ჯერჯერობით მათ უფრო საფუძვლიანად უნდა შეისწავლონ ვირუსის კლინიკური თავისებურებები, მისი წყაროები, გადაცემის მეთოდები და გავრცელების მასშტაბები. მათ მიაჩნიათ, რომ ვირუსი აუცილებლად განიცდის მუტაციას და აუცილებელია მისი გავრცელების არეალის მაქსიმალური შეზღუდვა.