მსოფლიოში ყველაზე მაღალმა ადამიანმა თურქეთის მოქალაქემ სულთან კოსენმა თავისი რჩეული იპოვა. ის მისი თანამემამულე, სირიული წარმომავლობის მერვე დიბო აღმოჩნდა.

ქორწილი თურქეთის სამხრეთით, სირიის საზღვართან ახლოს,  მარდინის პროვინციაში გაიმართა.

„მე ჩემი სიყვარული ვიპოვე. იმედი მაქვს საუკუნოდ ბედნიერები ვიქნებით“, - თქვა მერვე დიბომ, რომელიც მეუღლეს იდაყვამდე ძლივს წვდება.

სულთან კოსენი, სიმაღლით 2,51 მეტრი, 2010 წელს გინესის რეკორდების წიგნში შეიყვანეს. 30 წლის თურქს ასევე ყველაზე დიდი ტერფი აქვს - 36,5 სანტიმეტრი.