"დილის 7 საათზე ქუჩებს ასუფთავებს, სასწავლებელში მიდის, შემდეგ კი ძალოსნობაში ვარჯიშობს"

"დილის 7 საათზე ქუჩებს ასუფთავებს, სასწავლებელში მიდის, შემდეგ კი ძალოსნობაში ვარჯიშობს" - 19 წლის ბიჭის საოცარი ისტორია

სოც.მედია - 13:18, 17 Jan, 2020

1852

გვერდი "ჯინსების თაობა" სოციალურ ქსელში 19 წლის ბიჭის ისტორიას აქვეყნებს. პოსტში აღნიშნულია რომ ახალგაზრდა დილის 7 საათიდან ქუჩებს ასუფთავებს, შემდგეგ სასწავლებელშ მიდის, ლექციების დასრულებისთანავე კი ძალოსნობაში ვარჯიშობს.

"წარმოიდგინეთ, დილის 7 საათზე ნაძალადევის ქუჩებს ასუფთავებს, მერე სასწავლებელში მიდის, მერე ძალოსნობაში ვარჯიშობს. შაბათ-კვირასა და დღესასწაულებზე კი ნაძალადევის ტაძარში მედავითნეა.

ამ ყველაფერს 19 წლის ზურაბ ბალიაშვილი ახერხებს. იმისთვის, რომ შტანგის აწევაში სრულყოფილად ივარჯიშოს, საკვები დანამატები სჭირდება. სწორედ ამის
გამო დაიწყო მუშაობა "თბილსერვისში".

პირველ დღეს უბანში ბევრი ნაგავი დახვდა. ახლა ამაყობს, რომ იქაურობა სუფთაა, მაცხოვრებლებსაც მოეწონათ ეს და ნაგავს ბევრი ძირს უკვე აღარ ყრის. ზურას სურვილია, რომ საერთოდ არ ვანაგვიანებდეთ ჩვენს გარემოს და საქმით გვიყვარდეს ბუნებაც და ქვეყანაც, რასაც, მე აუცილებლად გავითვალისწინებ.
დიდი მადლობა, ზურაბ" - წერენ სოციალურ ქსელში.