ადამიანებს უყვართ ფიქრი იმაზე არსებობენ თუ არა უცხოპლანეტელები. და თუ არსებობენ როგორ გამოიყურებიან ისინი?

კიდევ ერთი შეკითხვა, მათი არსებობის შემთხვევაში, აქვთ თუ არა უცხოპლანეტელებს სექსი? სექსუალური რეპროდუქცია საკმაოდ ძვირადღირებულია. ის მოითხოვს მეორე ნახევრის პოვნას, მისი მხრიდან დნმ-ს პარტნიორთან შერევას. თუმცა ეს არ არის საკმარისი სიცოცხლისუნარიანი შთამომავლობის შესაქმნელად. ამის შემდეგ მთელი რიგი პროცესები მიმდინარეობს.

ყველა არსებას არ სჭირდება სექსუალური რეპროდუქცია გასამრავლებლად. უმარტივესების უმრავლესობისათვის დამახასიათებელია უსქესო და სქესობრივი გამრავლების კანონზომიერი ცვლა. ამებას და მილიმეტრიან ჰიდრას, როგორც ამბობდნენ არ სჭირდებათ სექსი გასამრავლებლად. თუმცა, 2011 წლის კვლევაში საუბარია იმაზე, რომ ამებას აქვს სექსი და მას ყველაზე მდიდარი სექსუალური ცხოვრება აქვს. და მაინც, ჩვენთვის ცნობილია, რომ გაყოფით მრავლდებიან ერთუჯრედიანი ორგანიზმები, — ამებები, შოლტოსნები, ინფუზორიები, ბაქტერიები, ლურჯ-მწვანე წყალმცენარეები და ზოგი მწვანე წყალმცენარე; დაკვირტვით — საფუარი სოკოები, ზოგიერთი ინფუზორია, ნაწლავღრუიანი და სხვა (ამ დროს დედისეულ ორგანიზმზე წარმოიქმნება ამობურცულობა, რომელიც თანდათან დიდდება და ახალ არსებათ ვითარდება), ხშირად ახალი ორგანიზმი წარმოიშობა დედისეული ორგანიზმის რომელიმე ორგანოს ნაწილიდან (ვეგეტატიური გამრავლება). ასე მრავლდებიან შედარებით მარტივი მრავალუჯრედიანი ცხოველები — ღრუბლები, ზოგიერთი ნაწლავღრუიანი, ბრტყელი და რგოლოვანი ჭიები. ვეგეტატიური გამრავლება განსაკუთრებით ფართოდ გავრცელებულია მცენარეულ სამყაროში, მათ შორის უმაღლეს მცენარეებში. ზოგ მცენარს აქვს გამრავლების სპეციალური ორგანოები — გორგლები, ბოლქვები, „ულვაშები“ და სხვა.

ხოლო კითხვაზე, უცხო პლანეტელებს აქვთ თუ არა სექსი, ბრიტანული კოლუმბიის უნივერსიტეტის ნაირსახეობათა კვლევების ცენტრის დირექტორი სალი ოტო აცხადებს, რომ ეს დამოკიდებულია იმაზე, თუ როგორ გამოიყურება მათი უჯრედები. ოტო ასევე ამბობს, რომ თუ მათ აქვთ ცენტრალური ნერვული სისტემა, შესაძლოა ჰქონდეთ სექსიც.