სასულიერო პირს, რომელიც ყოფილ ცოლი ფიზიკურ ანგარიშსწორების მცდელობაში ადანაშაულებდა ბრალი წარუდგინეს. ბრალის დამტკიცების შემთხვევაში ლაშა ჩიქოვანს სამ წლამდე თავისუფლების აღკვეთა ემუარება.

როგორც "ნიუპოსტს" განუცხადეს სასულიერო პირს ბრალი წარედგინა საქართველოს სისხლის სამართლის კოდექსის 11 პრიმა 151-ე მუხლის მე-2 ნაწილის „დ“ ქვეპუნქტით, რაც ოჯახის წევრის მიმართ განხორციელებულ მუქარას გულისხმობს და ისჯება თავისუფლების აღკვეთით ვადით სამ წლამდე.

ხუთი შვილის დედა, ნინო გორგოშიძე, ყოფილ ქმარს ფიზიკურ და ფსიქოლოგიურ ძალადობაში ადანაშაულებს.

„დამემუქრა, ბეისბოლის ჯოხით გაგასხმევინებ ტვინსო“- განაცხადა ქალმა.

სასულიერო პირის მიმართ 15 ნოემბერს სისხლის სამართლის საქმე აღიძრა 126-ე პრიმა მუხლით, რაც გულისხმობს ოჯახში ძალადობას. 8 იანვარს, რადიო თავისუფლებას შსს-ში განუმარტეს, რომ მიმდინარეობს ინტენსიური საგამოძიებო მოქმედებები და იმ მტკიცებულებების შესწავლა, რომელიც მხარეებმა გამოძიებას მიაწოდეს.