ანიტას ჯანმრთელობის შესახებ, სოციალურ ქსელში ოჯახის ახლობელი ბავშვის შესახებ უახლეს ინფორმაციას ავრცელებს:

"56-ე ღამე მშვიდობისა!

ძალიან ბევრი შეტყობინება შემოდის და ბოდიშს გიხდით, რომ ყველას ვერ გპასუხობთ პირადად.ვიცით, ძალიან გველოდებით და განიცდით, მაგრამ, ალბათ, ხვდებით ჩვენს მდგომარეობასაც.

ანიტა ამ დრომდე რჩება რეანიმაციულ განყოფილებაში, როგორც იცით მას დაუდგინდა პნევმონია - რის გამოც უტარდება ძლიერი ანტიბიოტიკოთერაპია.

რადგანაც ფილტვების მდგომარეობა არასახარბიელოა, საჭირო გახდა ბავშვის მართვით სუნთქვაზე გადაყვანა.

მას უკვე სამჯერ შეუცვალეს ანტიბიოტიკური პრეპარატების ჯგუფი, თუმცა, სასურველი შედეგი ჯერ-ჯერობით ვერც ერთმა ვერ გამოიღო.

ნავარაუდებია ინფექციაც, ზუსტი ტიპის დასადგენად დღეს ანიტას ჩაუტარდა ბრონქოსკოპია, რომლის პასუხიც რამდენიმე დღეში გვეცოდინება.კვლევის შედეგი ზუსტი ანტიბიოტიკური პრეპარატის შერჩევაშიც დაეხმარება ექიმებს.

როგორც კი ანიტას ორგანიზმი დაძლევს ანთებასა და ინფექციას, ექიმები აპარატის, ე.წ. ხელოვნური გულის ჩანერგვას, ან თუ მაგ დროისთვის გამოჩნდება დონორი - პირდაპირ გულის ტრანსპლანტაციას გეგმავენ.

ჩვენ უკვე ვიცით, რომ ერთად ყველაფერს შევძლებთ, გულით ვინატროთ ანიტას კარგად ყოფნა!

თქვენი სიყვარულის იმედი გვაქვს!"- წერს მარიამ ხუციშვილი.