24 წლის ბიჭის მკვლელობის საქმეზე დაკავებულ შსს-ს თანამშრომელს აღკვეთის ღონისძიებად პატიმრობა შეეფარდა

სამართალი - 13:57, 07 Jan, 2020

1871

24 წლის მურად წურწუმიას მკვლელობის საქმეზე დაკავებულ შსს-ს თანამშრომელს აღკვეთის ღონისძიებად პატიმრობა შეეფარდა. გადაწყვეტილება ცოტა ხნის წინ თბილისის საქალაქო სასამართლოს მოსამართლემ მიიღო.

არსებული ინფორმაციით, ბრალდებული პატიმრობას დაეთანხმა.

„ძალიან ვწუხვარ, რომ ასეთი შედეგი დადგა. მე ვერ წარმომედგინა, რომ ასე მოხდებოდა. ჩემი მიზანი იყო, რომ მანქანა არ წაეყვანათ და მოყვა ასეთი ტრაგიკული შედეგი, რაც ჩემი მიზანი არ ყოფილა.

რა თქმა უნდა, ჭირისუფალი ვერ გაიგებს და რა ვიცი, პატიმრობა შემიფარდეთ“, – აღნიშნა განსასჯელმა.

ცნობისთვის, სადისტური მკვლელობა თბილისში, ბედობის ღამეს მოხდა. არსებული ინფორცამიით, შინაგან სამეთა სამინისტროს სპეცდანიშნულების რაზმის თანამშრომლებმა 24 წლის ახალგაზრდა წამებით მოკლეს.
ახლობლების მტკიცებით ყველაფერი ვაკრეთილის სასაფლაოებთან მომხდარი დაპირისპირებით დაიწყო, როცა განსაკუთრებულ დავალებათა დეპარტამენტის თანამშრომლები ძმებ წურწუმიებს მამის საფლავზე სასტიკად გაუსწორდნენ. 21 წლის ბიჭმა გაქცევით უშველა თავს, თუმცა არ გაუმართლა მურად წურწუმიას.
ინცინდენტიდან მეორე დღეს მურად წურწუმია თვალამოთხრილი იპოვეს. ახალგაზრდას თავის ქალა დამტვრეული ჰქონდა. 24 წლის ბიჭი სრულიად შიშველი გზაზე ეგდო.