2013 წელს, ავტომობილის ყველაზე პოპულარული ფერი - თეთრი აღმოჩნდა. ასეთი ფერის მანქანებზე, მსოფლიოს მასშტაბით გაყიდვების მეოთხედი მოდის. ამის შესახებ იტყობინება Detroit Free Press, რომელიც ამერიკული კომპანია PPG Industries-ის კვლევას ეყრდნობა. ეს კომპანია საღებავი მასალების ერთერთი ყველაზე დიდი მწარმოებელი და მიმწოდებელია.

თეთრი ფერი უკვე მესამე წელია ლიდერობს გლობალურ საავტომობილო ბაზარზე. 2011 წელს მან ჩაანაცვლა ვერცხლის ფერი, რომელიც 11 წლის მანძილზე ინარჩუნებდა ლიდერობას.

PPG Industries-ის წარმომადგენლები ამბობენ, რომ ბოლო წლებში წითელი და ლურჯი ფერების პოპულარობა გაორმაგდა, რასაც, ძირითადად, სპორტულ მოდელებში ფართოდ გამოყენება იწვევს.

2013 წლის ყველაზე პოპულარული საავტომობილო ფერები მსოფლიოში:

1. თეთრი

2. ვერცხლისფერი

3. შავი

4. რუხი

5. წითელი