რუსეთში, ლიპეტსკის ოლქში ავტოსაგზაო შემთხვევის შედეგად 2 მგზავრი დაიღუპა, 8 კი დაშავდა. ამის შესახებ "რია ნოვოსტი" ავრცელებს.

გავრცელებული ინფორმაციით, ავტობუსი მოსკოვი-თბილისის რეის ასრულებდა.

მძღოლმა მოყინულ გზაზე საჭე ვერ დაიმორჩილა, რის გამოც ავტობუსი ამოტრიალდა. რუსეთის საგანგებო სიტუაციების სამსახურის ცნობით, ავტობუსში 19 ადამიანი - 2 მძღოლი და 17 მგზავრი იმყოფებოდა. ყველა მგზავრი საქართველოს მოქალაქეა.

ლიპეცკის ოლქის მთავრობის მონაცემებით, ავტობუსი კერძო პირს ეკუთვნის და საქართველოშია დარეგისტრირებული.