ხმის მიცემის პროცესი 8 საათიდან უკვე მსჯავრდებულებისთვისაცაა შესაძლებელი. ციხეებში საპრეზიდენტო არჩევნებისათვის სულ, 10 საარჩევნო უბანია გახსნილი . ოფიციალურად ცნობილია, რომ არჩევნებში მონაწილეობის სურვილი 197-მა მსჯავრდებულმა გამოთქვა.

81-ე საუბნო საარჩევნო კომისიამ ე.წ. მატროსოვის ციხეში, სასჯელაღსრულების მე-9 დაწესებულებაში უბანი ზუსტად 8 საათზე გახსნა.

პირველმა ამომჩეველმა ხმა 08:15 საათზე მისცა, ის ციხის ადმინისტრაციის წარმომადგენელი. ციხის ერთერთ განყოფილებაში გახსნილია უბანი, სადაც ციხის ადმინისტრაციის წარმომადგენლები და ასევე ბადრაგის წარმომადგენლები აძლევენ ხმას.

რაც შეეხებათ მსჯავრდებულებსა და პატიმრებს, მათ ხმის მიცემის უფლება აქვთ გადასატანი ყუთის მეშვეობით. სულ 24 მსჯავრდებული არის დარეგისტირებული, ვინც არჩევნებში მიიღებს მონაწილეობას ე.წ. მატროსოვის ციხეში.

მიუხედავად იმისა, რომ სასჯელაღსრულების სამინისტრომ განცხადება გაავრცელა, სადაც ნათქვამი იყო რომ ნებისმიერ მედიასაშუალებას აქვს ნებისმიერ ციხეში შესვლის უფლება და დაკვირვება იქ მიმდინარე პროცესებისა, ე.წ. მატროსოვის ციხეში „რუსთავი2“-ს არ მიეცა უფლება, დაკვირვებოდა უშუალოდ ხმის მიცემის პროცედურას, რადგან ადმინისტრაციამ ჟურნალისტებს არ მისცა უფლება, გადასატან ყუთს გაჰყოლოდნენ და კადრები გადაეღოთ.

ადგილზე იმყოფებიან დამკვირვებლები კერძოდ, პოლონეთის საკანონმდებლო ორგანოს წარმომადგენლები.

,,შენიშვნები არ გვაქვს, რადგან ხმა ჯერჯერობით სულ რამოდენიმე მსჯავრდებულმა მისცა.

პოლონეთის სადამკვირვებლო მისიამ სპეციალურად აირჩია ეს სასჯელაღსრულების დაწესებულება დასაკვირვებლად. საინტერესოა, როგორ ჩაივლის ხმის მიცემის პროცესი. შენიშვნის სახით, მინდა ვთქვა, რომ მედია უნდა აკვირდებოდეს ამ პროცესებს“.