"ტუალეტში შეიყვანა და სცემა, ბავშვს სისხლი სდიოდა" - 77-ე სკოლაში მოზარდებს შორის მომხდარი დაპირისპირების დეტალები

შემთხვევა - 12:03, 23 Dec, 2019

2119

ფიზიკური და სიტყვიერი დაპირისპირება თბილისის 77-ე საჯარო სკოლაში. როგორც ირკვევა, დაპირისპირება 11-ე კლასელებს შორის მოხდა.

მოზარდები პირად საუბრებში აცხადებენ, რომ თავდაპირველად მოზარდები ერთმანეთს სიტყვიერად დაუპირისპირდნენ, რის შემდეგაც მოზარდმა კლასელი საპირფარეშოში გაიყვანა და სცემა.

ნაცემ მოზარდს სამედიცინო დახმარება დასჭირდა, ის კლინიკა "ნიუ ჰოსპიტალშიც " იყო მოთავსებული.

სკოლის ადმინისტრაცია მომხდარ ინცინდენტს ადასტურებს, თუმცა გავრცელებულ ინფორმაციას, რომ სკოლის დირექტორს თავადასხმის გახმაურება არ უნდოდა, კატეგორიულად უარყოფენ. სდუმან მოზარდებიც, თუმცა შედარებით დაბალი კლასების მოსწავლეები აცხადებენ, რომ მათ დაინახეს ნაცემი მოზარდი, რომელსაც მათი თქმით, ცხირიდან სისხლი სდიოდა.

"საპირფარეშოში შეუყვანია და უცემია, ცხვირიდან სისხლი მოსდიოდა, საავადმყოფოშიც გადაიყვანეს"- აცხადებს ერთ-ერთი მოსწავლე.

მომხდარზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს. უწყების პრესსამსახურში "ნიუპოსტს" განუცხადეს, რომ შსს-ში შეტყობინება მანდატურის სამსახურიდან შევიდა.