თურქეთის პრეზიდენტმა, რეჯეფ ტაიპ ერდოღანმა განაცხადა, რომ თურქეთის პარლამენტმა შესაძლოა მიიღოს რეზოლუცია, რომელიც ჩრდილოეთი ამერიკის კოლონიზაციის პერიოდში ინდიელების მიმართ გენოციდის მოწყობას აღიარებს,- აღნიშნული გადაწყვეტილება თურქეთის მხრიდან დღის წესრიგში დადგა მას შემდეგ , რაც ამერიკელებმა 1915 წელს თურქების მიერ სომეხი ხალხის მასობრივი ხოცვა ოფიციალურად აღიარეს. ინფორმაციას რუსული მედია ავრცელებს.

„ჩვენ მოვიძიეთ და გავეცანით მილიონზე მეტს დოკუმენტურ მასალას 1915 წლის მოვლენებთან დაკავშირებით. მობრძანდით და შეისწავლეთ.

ჩვენ ოფიციალური წერილობითი წყაროებით და დოკუმენტებით გესაუბრებით. ანალოგიურ პასუხს მიიღებთ თქვენს გადაწყვეტილებაზე ჩვენი პარლამენტის მხრიდანაც. განა შეიძლება ხმა არ ამოვიღოთ ინდიელებზე, როდესაც ვახსენებთ ამერიკას? ეს ამერიკის ისტორიაში ყველაზე სამარცხვინო ფურცელია“ ,- განაცხადა ერდოღანმა.