„იცოდა გაფრინდაშვილმა, ანწუხელიძემ, ტატუნაშვილმა... და ამიტომ ზიხართ თქვენ დამოუკიდებელ საქართველოში და მაინც რუსული შრიფტით აცოდვილებთ ბრძნულ შეკითხვას...“

„იცოდა გაფრინდაშვილმა, ანწუხელიძემ, ტატუნაშვილმა... და ამიტომ ზიხართ თქვენ დამოუკიდებელ საქართველოში და მაინც რუსული შრიფტით აცოდვილებთ ბრძნულ შეკითხვას...“ - გიორგი კეკელიძე

სოც.მედია - 13:11, 16 Dec, 2019

1327

ოკუპირებულ ცხონალში დატყვევებულ ვაჟა გაფრინდაშილთან დაკავშირებით მორიგ პოსტს აქვეყნებს ეროვნული ბიბლიოთეკის დირექტორი გიორგი კეკელიძე.

„კი, რაღაც ყველაფერს პროვოკაციის სუნი ასდის:

ხომ იცოდა გაფრინდაშვილმა, რომ დააპატიმრებდნენ, რაღას გადაიოდა ,,იმ მხარეს’’ ?

ხომ იცოდა ტატუნაშვილმა, რომ მოკლავდნენ, რაღატომ გადაწყვიტა წასვლა?

ანწუხელიძემ ხომ იცოდა, რუსეთი რომ დიდია და მაგას ვერ მოერევი, რატომ არ დანებდა?

ზვიად გამსახურდიამ ხომ იცოდა, რომ მოკლავდნენ, რაღას ბრუნდებოდა სამშობლოში?

ხომ იცოდა მიხელ ჯავახიშვილმა, რომ აწამებდნენ და დახვრეტდნენ?

და ილია ჭავჭავაძემ ხომ იცოდა, გულში ტყვიის დახლა რომ არის სამშობლოს გულით სიყვარულის ბოლო?

დიმიტრი ყიფიანმაც ხომ იცოდა?

თევდორე მღვდელმა?

ხომ იცოდა შუშანიკმა საპყრობილეში რომ ამოალპობდნენ?

ან ამ აბოს რაღა რჯიდა?

იცოდნენ, იცოდნენ და რომ იცოდნენ, იმიტომ ზიხართ ახლა თქვენ დამოუკიდებელი საქართველოს რომელიღაც ქალაქში, თბილ ოთახში და დიდი წვალებით, მაგრამ მაინც რუსული შიფტით აცოდვილებთ ბრძნულ შეკითხვას: ხომ, იცოდა?

და მე გპასუხობთ – იცოდა!“ - წერს კეკელიძე.