"ორსულობის დროს 20 კგ დავიკელი, ექიმებმა მიზეზი ვერ დაადგინეს..."

ეს საინტერესოა - 14:55, 14 Dec, 2019

1367

32 წლის მიშელ მუნიოსი ბედნიერი იყო, როდესაც შეიტყო რომ ბავშვს ელოდებოდა. მაგრამ მალე ეს სიხარული წამებად გადაიქცა - მისი ორსულობა უმძიმეს ფორმებში მიმდინარეობდა.

მიშელს მუდმივად რაღაც სტკიოდა, სუნთქვა და გადაადგილება უჭირდა. ამასთან მან წონაში 20 კილოგრამი დაიკლო.

მან რამდენიმე ექიმს მიმართა, რათა ჯანმრთელობის პრობლემა მოეგვარებინა, თუმცა მათ ვერაფერი გაუგეს და ამ პრობლემას დეპრესიას და ხშირ რებინებას აბრალებდნენ.

შეგახსენებთ, რომ როგორც წესი, ქალები ორსულობისას 12-18 კილოგრამით იმატებენ წონაში, ხოლო თუ დედას ზედმეტი წონა აქვს, ექიმებმა მას შეიძლება მკაცრი დიეტრაც კი დაუწესონ.

მიშელის ვაჟი ნაადრევად დაიბადა, ხოლო თავად დედა ისე დასუსტებული იყო, რომ შვილის ხელში დაჭერაც კი უჭირდა.

მშობიარობიდან თვენახევრის შემდეგ მიშელ მუნიესმა კიდევ ერთ ექიმს მიმართა, რომელმაც მას დიაგნოზი დაუსვა - ჰოჯკინის ლიმფომა, ლიმფური სისტემის ავთვისებიანი დაავადება.

"სასწაულია, რომ ცოცხლები ხართ, მითხრა ექიმმა," - აცხადებს მიშელი.

აღსანიშნავია, რომ მიშელი დაფეხმძიმებას წელიწადნახევარი ცდილობდა, მან ორი ქირურგიული ოპერაცია და ოთხთვიანი ჰორმონალური თერაპიის კურსი გაიარა. ბოლოს 2017 წლის ოქტომბერში იგი დაფეხმძიმდა.

მიშელის ვაჟი სამუელი 2018 წლის 7 მაისს დაიბადა, ის აბსოლუტურად ჯანმრთელი იყო, თუმცა, ის მაინც 15 დღით სპეციალურ ინკუბატორში მოათავსეს. საბედნიეროდ, დედის დაავადება მას არ აღმოაჩნდა.

ჰოჯკინის ლიმფომის დიაგნოზის დადგენის დროს დაავადებას უკვე სერიოზული სახე ჰქონდა მიღებული - ლიმფოკვანძები დასიებული იყო, ხოლო გულსა და ფილტვებში სითხე იყო დაგროვებული. სიმსივნე მეოთხე სტადიაში იყო. დიაგნოზი განაჩენად ჟღერდა.

ექიმი სუზან როდრიგეს სტალბაუმი, რომელმაც მიშელს დიაგნოზი დაუსვა, აცხადებს, რომ ორსულობის დროს ლიმფომის დიაგნოსტირება მართლაც რთულია.

ნახევარი წლის განმავლობაში მიშელმა ქიმიოთერაპიის 20 კურსი გაიარა. 2019 წლის თებერვალში მიშელმა სამსახურში სიარული შესძლო, თუმცა, 5 წლის განმავლობაში მან რეგულარულად უნდა ჩაიტაროს გამოკვლევა, რათა ექიმები დარწმუნდნენ, რომ დაავადება კვლავ არ გაჩნდა.