თბილისის საქალაქო სასამართლოში 12 დეკემბერს პარლამენტთან მიმდინარე საპროტესტო აქციაზე დაკავებული 16-დან 6 პირის, მათ შორის გიორგი ვაშაძის სასამართლო პროცესი გადაიდო. ამის მიზეზი გახდა მოსამართლის მიერ მოთხოვნილი დრო, დაცვის მხარის შუამდგომლობის განსახიველად. მოსამართლე ვალერიანე ფილიშვილმა შუამდგომლობის განხილვისთვის დრო 17 დეკემბრამდე მოითხოვა.

მოსამართლე დღეს გიორგი ვაშაძის, ირაკლი კუპრაძის, გიორგი ბუნტურის, ზურაბ კოსტავას, ირაკლი ჯუღელისა და ნოდარ ბრეგაძის საქმეებს განიხილავდა.

დაცვის მხარემ სხდომის გადადება იმ დრომდე მოითხოვა, სანამ საკონსტიტუციო სასამართლო ადმინისტრაციული კოდექსის სადავო 166-ე მუხლთან დაკავშირებით გადაწყვეტილებას გამოიტანს. ეს არის ხულიგნობის მუხლი, რომელიც კანონში 1984 წლიდან არსებობს და რომლის კონსტიტუციურობაც სასამართლოშია გასაჩივრებული.

12 დეკემბერს პარლამენტთან დაკავებულებს, ადმინისტრაციულ სამართალდარღვევათა კოდექსის თანახმად, ედავებიან წვრილმან ხულიგნობას (166-ე მუხლი) და სამართალდამცავი ორგანოს კანონიერი მოთხოვნისადმი დაუმორჩილებლობას (173-ე).