ზამთრის ქარიშხლის შემდეგ, ჩრდილოეთ კალიფორნიის სანაპიროზე ათასობით ვარდისფერი, მბზინავი ფალოსის მსგავსი ქმნილება ე.წ პენისის თევზი გამოირიყა,- ინფორმაციას ამის შესახებ GUARDIAN-ი აქვეყნებს.

ათასობით საზღვაო ჭია, რომელსაც ადამიანის სასქესო ორგანოსთან ვიზუალური მსგავსების გამო „პენისის თევზს“ უწოდებენ, აღმოჩენილ იქნა დრეიკის სანაპიროზე გასულ კვირას. ფალოსის მსგავსი ცოცხალი ორგანიზმი გავრცელებულია ფართოდ ჩრდილოეთი ამერიკის დასავლეთ სანაპიროებზე, სადაც ისინი მთელ ცხოვრებას ატარებენ ქვიშის სიღრმეში გაკეთებულ ე.წ საცხოვრებელ ხვრელებში.

უკანასკნელ პერიოდში ქარიშხლის მასშტაბურობისა და ინტენსივობის გამო კალიფორნიის სანაპიროზე ძლიერმა ტალღებმა მთლიანად გადარეცხეს ქვიშიანი სანაპირო , რა დროსაც სიღრმეში დამალული „პენისის თევზები“ ამოცვივდნენ მიწის ზედაპირზე და მთლიან სანაპიროზე გაიშალნენ.