პოლიციის სავარაუდო ზეწოლის გამო, 15 წლის ბიჭი მეცხრე სართულიდან გადმოხტა

პოლიციის სავარაუდო ზეწოლის გამო, 15 წლის ბიჭი მეცხრე სართულიდან გადმოხტა - მოზარდის მდგომარეობა უმძიმესია

შემთხვევა - 23:05, 12 Dec, 2019

3382

"მთავარის" ინფორმაციით, სამართალდამცავების სავარაუდო ზეწოლის შედეგად, გუშინ 15 წლის ბიჭი საცხოვრებელი კორპუსის მეცხრე სართულიდან გადმოხტა, რომელიც ამ დრომდე უმძიმეს მდგომარეობაში იმყოფება. მოზარდი აპარატზეა შეერთებული და სიკვდილს ებრძვის.

ბიჭის ახლობლები ამბობენ, რომ იგი მშობლის გარეშე სამი საათის განმავლობაში ჰყავდათ დაკითხვაზე, რის შემდეგაც ბავშვმა ბრალი აღიარა და თავის საცხოვრებელი ადგილის მიმდებარედ, მაღალსართულიანი კორპუსიდან გადახტა.

გუშინ, ბავშვი დიღმმის პირველ განყოფილებაში მშობელთან ერთად დაიბარეს. საქმე ეხებოდა მწვანე სკოლის კედელზე გარკვეულ წარწერას. როდესაც მოზარდის დაკითხვა მშობელთან ერთად მიმდინარეობდა, ის კანონდარღვევას არ აღიარებდა, თუმცა ის სამართალდამცავებმა ცალკე გაიყვანეს რის შემდგომაც მოზარდმა ბრალი აღიარა.

ბავშვის ოჯახის წევრები ამბობენ, რომ სწორედ მაშინ, როცა იგი სამართალდამცველებთან მარტო, დასაკითხად იმყოფებოდა მოხდა ბიჭზე ზეწოლა, მას ემუქრებოდნენ ძმით, რომელიც თავდაცვის სამინისტროს თანამშრომელია და ასევე დედის უსაფრთხოებითაც. იმავე დღეს დაკითხვის დასრულების შემდეგ ბავშვმა თქვა, რომ წარწერა სკოლის კედელზე ნამდვილად თავად გააკეთა, თუმცა გუშინ მან ეს ყველაფერი უარყო და ამის შემდეგ მეცხრე სართულიდან გადმოხტა.

„რელობა ის არის რომ პოლიციის განყოფილებაში დააშინეს ბავშვი , დაემუქრნენ აღიარეო ყველაფერიო. დააშინეს თავის ძმით და ოჯახით “ - ამბობენ ბიჭის ახლობლები.

15 წლის მოზარდის მდგომარეობა ამ დრომდე უმძიმესია. ექიმების ტქმით, ის სიკვდილს მხოლოდ იმიტომ გადაურჩა, რომ გადმმოხტომის შემდეგ მანქანას დაეცა.

„მოზარდი შემოიყვანეს უკიდურესად მძიმე მდგომარეობაში, კომატოზური მდგომარეობით, მრავლობითი მოტეხილობით, თავის ტვინის დაზიანებით, ბავშვის მდგომარეობა ამ დროისთვის კვლავ არის უკიდურესად მძმე „ - აცხადებს ექიმი.

აღნიშნულ ფაქტზე შსს-ში გამოძიება 115-ე მუხლით დაიწყო, რაც ადამიანის თვითმკვლელობამდე მიყვანას გულისხმობს.