"ტვ-3"-ის ერთ-ერთმა დამფუძნებელმა ლალი ეგაძემ "ნიუპოსტს" ეს ინფორმაცია დაუდასტურა და განუცხადა, რომ მაკა ჩიჩუა "მე-9 არხზე" სამხატვრო ხელმძღვანელი იყო და ტელეკომპანიის დახურვის შემდეგ, ის სხვა, რამდენიმე თანამშრომელთან ერთად "tv3"-ში იმავე თანამდებობაზე გადაიყვანეს.

მაკა ჩიჩუა კოალიცია "ქართული ოცნების" პრეზიდენტობის კანდიდატის, გიორგი მარგველაშვილის მეგობარი ქალია. როგორც პრეზიდენტობის კანდიდატმა რამდენიმე დღის წინ განაცხადა, შესაძლოა, მისმა ოჯახურმა მდგომარეობამ მის რეიტინგზე უარყოფითი გავლენა მოახდინა.

"არ მგონია, რომ ქართველი ამომრჩეველი გადაწყვეტილებას აქედან გამომდინარე იღებდეს, რომ მე ვარ უცოლო და მყავს მეგობარი ქალი, მაგრამ თუ მაინცდამაინც ეს ფაქტორი იყო, ხმები ნამდვილად დამაკლო", - განაცხადა გიორგი მარგველაშვილმა, რომელიც, სავარაუდოდ, მეგობარ ქალში სწორედ მაკა ჩიჩუას გულისხმობდა.