ზუგდიდის რაიონულმა სასამართლომ სასულიერო პირთან ერთად დაკავებულ რომან მალანიას აღმკვეთ ღონისძიებად 10 000-ლარიანი გირაო შეუფარდა.

ადვოკატის თქმით, საქმის მასალების მიხედვით, ჩანთა, რომელშიც ნარკოტიკული საშუალება იყო, მალანიას არ ეკუთვნოდა.

ცნობისთვის, ზუგდიდში ნარკოდანაშაულისთვის ბერი, გიგა ქავთარაძე დააკავეს. ხოლო, მალანია ზუგდიდის რაიონის სოფელ ჭითაწყარში მაშინ აიყვანეს, როცა ის სამარშუტო ტაქსით თბილისისკენ გადაადგილდებოდა. ჩხრეკისას კი ჩანთიდან რომელიც სავარაუდოდ სასულიერო პირს ეკუთვნის, პოლიციამ ნარკოტიკული საშუალება, 14,5 გრამი მეტადონი ამოიღო.

თავდაპირველად სამართალდამცავებმა მალანია დააკავეს, თუმცა მას შემდეგ რაც ბერი საკუთარი ფეხით მივიდა პოლიციაში და ჩვენება მისცა სასამართლომ მალანიას 10 000 ლარიანი გირაო შეუფარდა.

რაც შეეხება სვიმონ ქავთარაძეს ის ათონის მთაზე 6 წლის განმავლობაში იმყოფებოდა, სასულიერო პირი საქართველოში 8 თვის წინ ჩამოვიდა და ზუგდიდში, საკუთარ სახლში ცხოვრობდა.