ნინო ბურჯანაძის პრესსამსახურის ხელმძღვანელი "ყვითელ" მედიასაშუალებებს მიმართავს.

"ჩვენი ყვითელი "საინფორმაციო სააგენტოების" და "მედიის წარმომადგენლების" გასაგონად ვაცხადებ.

იმედია მოძებნით ნინო ბურჯანაძის შეხვედრებზე თუნდაც ერთ ადამიანს, რომელიც რეალურად ესწრებოდა ამ შეხვედრას და ამაში ფული გადაუხადეს.

სამარცხვინოა შეკითხვების დასმა, რომ ვინმე ვინმეს სადმე ფულით მოჰყავს.

26 მაისს ხომ ბევრი ნახეთ ასეთი, ახლა წინასაარჩევნო შეხვედრებზეც იპოვით.

თუ ვინმე გულზე სკდება ეს მისი პრობლემაა! დაამთავრეთ ეს სასაცილო სისულელეები. თუ ინტრიგნებს მოძებნით, რომლებიც სხვა პარტიისგანაა მაგ დავალებით გამოგზავნილი, რომ ასეთი კომენტარი მოგცეთ (ჩვენი შეხვედრები ღიაა, თავისუფალია დასწრება საქართველოს ყველა მოქალაქისათვის და გამორიცხული არაა ასეთი ადამიანი შემოუშვან), არც ეგაა პრობლემა. უბრალოდ იცოდეთ, რომ თითოეული ჩვენი მხარდამჭერი აღწერილი და დადგენილი გვყავს და ნებისმიერი კომენტარის დროს იმ ადამიანს დაასახელებინეთ სახელი, გვარი და მისამართი და პირადად მე მოგაწოდებთ ინფორმაციას, თუ რომელი პარტიის დავალებით მუშაობს ის. p.s. ისე ნამდვილად კარგი იქნებოდა ბურჯანაძის შტაბს იმდენი თანხები, რომ ჰქონდეს, რასაც აბრალებთ. იმ ასიათასობით ადამიანს, ვისაც შეხვედრებზე ფულით მოყვანილს ეძახით, მინიმუმ 30 000 000$ დასჭირდებოდა შთამბეჭდავი თანხაა ყვითელო სააგენტოებოოოოო! აზრზე მოდით ხალხი ამას კარგახანია აღარ ჭამს", - წერს ბაკურაძე სოციალურ ქსელში.