ედპ-სა და ევროპელი დემოკრატების ინიციატივით, ხვალ, ექსპერტებისა და პოლიტიკოსების შეხვედრა გაიმართება

საზოგადოება - 21:20, 23 Oct, 2013

1080

24 ოქტომბერს, 12:00 საათზე სასტუმრო ,,რადისონში“ ეროვნულ-დემოკრატიული პარტიისა და ევროპელი დემოკრატების ინიციატივით, ახალი პოლიტიკური ცენტრის ჩამოყალიბების ფორმატში, გაიმართება პოლიტიკოსების შეხვედრა ექსპერტებთან.

როგორც ,,ნიუპოსტს“ ედპ-დან აცნობეს, ექსპერტების სახით შეხვედრას ესწრებიან ,,საქართველოს სტრატეგიისა და საერთაშორისო ურთიერთობების კვლევის ფონდის“ ხელმძღვანელი ალექსანდრე რონდელი, ,,საქართველოს რეფორმების ასოციაციის" დირექტორი სერგი კაპანაძე, საგარე საქმეთა მინისტრის ყოფილი მოადგილე ნიკოლოზ ვაშაკიძე, საქართველოს რეფორმების ასოციაციის თანადამფუძნებელი ელენე ხოშტარია, ევროპის საბჭოში საქართველოს ყოფილი ელჩი, დიპლომატი მამუკა ჟღენტი, ,,რეფორმატორთა კლუბის“ ექსპერტები ირაკლი კობიძე და ეკა ჭუმბურიძე.

რაც შეეხება პოლიტიკოსებს, შეხვედრას ესწრებიან ედპ-ს ლიდერები ბაჩუკი ქარდავა, გურამ ჩახვაძე, გოგა გოგნიაშვილი, ,,ევროპელი დემოკრატების“ ლიდერი პაატა დავითაია, ,,ილია ჭავჭავაძის საზოგადოების“ თავმჯდომარე თამარ ჩხეიძე, ,,მერაბ კოსტავას საზოგადოების თავმჯდომარე“ ვაჟა ადამია, მოძრაობა ,,დაბრუნების“ თავმჯდომარე მალხაზ პატარაია. შეხვედრას დაესწრებიან, აგრეთვე, პრეზიდენტობის კანდიდატები ზურაბ ხარატიშვილი და ,,სამართლიანი საქართველოსთვის“ საპრეზიდენტო კანდიდატი სერგო ჯავახიძე.

შეხვედრის მთავარი თემა იქნება საგარეო პოლიტიკური გამოწვევები და მოსალოდნელი ახალი რუსული საფრთხეები.