ამის შესახებ ჯანდაცვის მინისტრმა დავით სერგეენკომ დღეს გამართულ პრესკონფერენციაზე განაცხადა. "ეს პროექტი გულისხმობს, რომ პატიმრებისთვის C ჰეპატიტის მკურნალობის ხარჯები სახელმწიფომ თავის თავზე აიღო. პატიმრები ერთ-ერთი ყველაზე უფრო მოწყვლადი ჯგუფია, მათში დასნებოვნების პროცენტი ძალიან დიდია. ამავე დროს, მათ ნულოვანი შესაძლებლობა აქვთ, თავისი ხარჯებით იმკურნალონ. ამ პროექტმა შესაძლებლობა მოგვცა, რომ ფასის დაწევა გავრცელებულიყო არა მხოლოდ პატიმრებზე, არამედ სამოქალაქო საზოგადობაზეც. ახლა უკვე ფინალიზაცია მიდის, იმედი გვაქვს, გვექნება საბოლოო კონტრაქტები მომწოდებლებთან, თუმცა წინასწარი ელექტრონული ტენდერები ძალიან ოპტიმისტურია, შეიძლება, ჩვენ ყველაზე ცოტა, ფასის განახევრებას მივაღწიოთ. დღეს-ხვალ საბოლოო ფასები გვეცოდინება. იგივე ფასები გავრცელდება მოსახლეობაც, არა მხოლოდ პატიმრებზე", - განაცხადა მინისტრმა.

ცნობისთვის, პრემიერმინისტრის განცხადებით, უახლოეს მომავალში C ჰეპატიტის მკურნალობისთვის საჭირო თანხებს, სახელმწიფო სრულად დაფარავს:

საქართველოს პრემიერ-მინისტრის, ბიძინა ივანიშვილის განცხადებით, უახლოეს მომავალში C ჰეპატიტის მკურნალობისთვის საჭირო თანხებს, სახელმწიფო სრულად დაფარავს:

"ჩვენ C ჰეპატიტზე მუშაობის გადაწყვეტილება მივიღეთ. მოვახერხეთ ძალიან მცირე ფასებში შეგვეძინა წამალი, რომლის ღირებულებაც ძალიან ძვირია. ეს შეტყობინება მივიღე წუხელ, გვიან სოზარ სუბარისგან. ეს არის რამდენიმეჯერ მძიმე იმ ფასებზე, რაც არსებობს. ასეთ ძვირადღირებულ მკურნალობას უფასოს გავხდით უახლოეს მომავალში“, - განაცხადა ბიძინა ივანიშვილმა.