პოლონეთის სახელმწიფო გაზის კომპანიამ მედიისთვის მიწოდებულ ინფორმაციაში გაასაჯაროვა სახელმწიფო გეგმა რუსული გაზის იმპორტის შეჩერებასთან დაკავშირებით. ინფორმაციას ავრცელებს arabnews-ი.

პოლონელმა მაღალჩინოსნმება შეატყობინეს გაზპრომის წარმომადგენლებს, რომ ისინი არ გაახანგრძლივებენ კონტრაქტს რუსეთიდან გაზის შემოტანასთან დაკავშირებით მას შემდეგ, რაც 2022 წელს ხელშეკრულების ვადები ამოიწურება.

განცხადება გასაჯაროვდა მას შემდეგ, რაც პოლონეთის მთავრობამ სახელმწიფო პოლიტიკად დაისახა შეამციროს რუსულ ენერგიის წყაროებზე დამოკიდებულება, რასაც მოსკოვი იყენებს ხოლმე პოლონეთსა და მის პარტნიორ სახელმწიფოებზე პოლიტიკური ზეწოლის ინსტრუმენტად.

პოლონეთის მთავრობის განცხადებით, ისინი ეცდებიან რუსეთის გაზზე დამოკიდებულების შემცირებას აშშ-დან, ყატარიდან და სხვა სახელმწიფოებიდან თხევადი გაზის იმპორტით. პოლონეთი აგრეთვე მონაწილეობს ნორვეგიასთან ერთად ახალი ნავთობპროექტში, რომლის ფარგლებშიც შეიქმნება გაზსადენი და ჩრდილოეთის ზღვიდან მოხდება ქვეყანაში გაზის იმპორტირება.

გაზპრომთან დადებული ხელშეკურელების თანახმად 2022 წლამდე, ყოველი წლის განმავლობაში პოლონეთს რუსეთიდან უნდა მიეწოდოს 10 მილიარდი კუბური მეტრი გაზი.