მეგობრის მკვლელობის ბრალდებით დაკავებულ ბექა კვიციანს აღკვეთის ღონისძიების სახით პატიმრობა შეეფარდა. აღნიშნული გადაწყვეტილება მოსამართლე ნატო ხუჯაძემ მიიღო.

ბრალდების მხარემ აღკვეთის ღონისძიების სახით პატიმრობის შეფარდებშუამდგომლობა დააყენა. დაცვის მხარემ კი ბრალდებულის აღკვეთის ღონისძიების გარეშე დატოვება ან 10 000 ლარის ოდენობის გირაოს გამოყენება ითხოვა.

ბრალდებულის ადვოკატი აცხადებს, რომ მოსამართლის გადაწყვეტილება არამართებული იყო და იგი გადაწყვეტილების გასაჩივრებას გეგმავს.

შეგახსენებთ, 36 წლის ნოდარ ცხადაძის ცხედარი თბილისის ზღვაზე რამდენიმე დღის წინ იპოვეს. შსს საქმეს ორი მუხლით იძიებს, სისხლის სამართლის კოდექსის 108-ე და 236-ე მუხლებით, რაც განზრახ მკვლელობას და იარაღის უკანონო შეძენა-შენახვა-ტარებას გულისხმობს.