"ირმა - ეს წუთია შევიტყვე თქვენი ტელეკომპანიის ამბები. ყველაფერი, რითაც შესაძლებელია, რომ მე - ერთი მოქალაქე, თქვენ მხარში ამოგიდგეთ ამ გასაჭირში - გავაკეთებ! მზად ვარ - ხვალვე შევხვდეთ.

როგორი ვითარებაც არ უნდა იყოს - დაუშვებელია, არჩევნებამდე 5 დღით ადრე, ითიშებოდეს "ობიექტივის" მაუწყებლობა. მგონია რომ გამოსავალი არსებობს - და ყველა ერთად მოვახერხებთ ამ სირთულის დაძლევას.

პატივისცემით, კოკა ყანდიაშვილი,“ - წერს ყანდიაშვილი "ფეისბუქზე" ინაშვილის გვერდზე. "ობიექტივის" მაუწყებლობა გუშინ, არჩევნებამდე 5 დღით ადრე შეწყდა. "სტერეო+"-ის მაუწყებლობა გუშინდელი დღიდან საქართველოს მასშტაბით შეწყვეტილია. შპს საქართველოს ტელე-რადიო ცენტრის“ წარმომადგენელთა განცხადებით, მაუწყებლობის შეწყვეტის მიზეზი კომპანიის 14 თვიან დავალიანებას უკავშირდება. სტერეო+-ის სიხშირეზე მედია-კავშირი „ობიექტივი“ 24 საათის განმავლობაში მაუწყებლობს.

ამ დროისთვის "ობიექტივი" მაუწყებლობს ბათუმის 25 არხზე და სილქნეტზე.