დეპუტატ ემზარ კვიციანი აცხადებს, რომ თბილისის ზღვაზე მოკლული მამაკაცი მისი ძმისშვილის ბექა კვიციანის მეგობარია.

დეპუტატის თქმითვე, მის ნათესავს ბექა კვიციანს ორი დღეა ეძებენ.

„ორი თვის წინ ვნახე ბექა, გარდაცვლილსა და მას ნათესაური კავშირი აქვთ, ერთად გაზრდილები და ბავშვის ნათლიაა ჩემი ძისშვილი მაგისი"- აცხადებს კვიციანი.

ცნობისთვის, თბილისის ზღვაზე 36 წლის მამაკაცის ცხედარი გუშინ იპოვეს, წინასწარი ინფორმაციით ის მოკლულია.

გამოძიება 236-ე მუხლის მე-3 და მე-4 ნაწილებით და 108-ე მუხლით მიმდინარეობს, რაც, შესაბამისად, ცეცხლსასროლი იარაღის მართლსაწინააღმდეგო შეძენა-შენახვა-ტარებას და განზრახ მკვლელობას გულისხმობს.