თბილისის სააპელაციო სასამართლომ, თენგიზ გუნავას საქმესთან დაკავშირებით გადაწყვეტილება უცვლელი დატოვა. დღეს გუნავას საქმესთან დაკავშირებით ბოლო სხდომა გაიმართა.

 საქმე ეხებოდა პროკურატურის ბრალდებას, რომელიც გუნავას მძღოლის დაჭრის ფაქტს უკავშირდებოდა. ამ საქმეში საქალაქო სასამართლომ გუნავა გაამართლა, პროკურატურამ კი ეს გადაწყვეტილება გაასაჩივრა. თუმცა, დღეს სააპელაციო სასამართლომ გადაწყვეტილება არ შეცვალა, შედეგად კი თენგიზ გუნავა კვლავ გამართლდა.

„ბუნებრივია ველოდებოდი მსგავს გადაწყვეტილებას, იმიტომ, რომ ვიცი ამ საქმიდან გამომდინარე რაც ხდებოდა. სასამართლომ უცვლელად დატოვა ის გამამართლებელი განაჩენი, რაც საქალაქო სასამართლომ გამოიტანა. ობიექტური გადაწყვეტილებაა“, - განაცხადა თენგიზ გუნავამ.