NASA-ს ტელსკოპმა მოულოდნელად კოსმოსიდან მძლავრი სიგნალი დააფიქსირა

ეს საინტერესოა - 18:27, 09 Nov, 2019

3985

NASA-ს ტელსკოპმა NICER.-მა (Neutron star Interior Composition Explorer), რომელიც საერთაშორისო კოსმოსურ სადგურზეა დამონტაჟებული, მოულოდნელად კოსმოსიდან მძლავრი სიგნალი დააფიქსირა.

მეცნიერების აზრით, ეს სიგნალი პულსარზე მომხდარი თერმობირთვული აფეთქების შედეგად არის გამოწვეული.

ეს სიგნალი, Astrophysical Journal Letters-ში გამოქვეყნებული სტატიის თანახმად, ყველაზე კაშკაშა და მძლავრია, მას შემდეგ რაც NICER-ი კოსმოსურ სადგურზე იქნა დამონტაჟებული.სიგალის წყაროა ობიექტი SAX J1808.4-3658.

"ეს განსაკუთრებული აფეთქება იყო. ჩვენ სიკაშკაშის ორსაფეხურიანი ცვლილება ვნახეთ, რომელიც პულსარის ზედაპირიდან გარკვეული მატერიის ამოფრქვევამ გამოიწვია. არის კიდევ სხვა მოვლენები, რომლის გაშიფვრაც ამ მოვლენის ფიზიკურ ახსნაში დაგვეხმარება," - აცხადებს კოსმოსური ფრენების ცენტრის წამყვანი ასტროფიზიკოსი პიტერ ბულტი.

სპეციალისტებმა ისეთი მოვლენებიც აღმოაჩინეს, რომელიც ერთი აფეთქების დროს არასდროს დაუფიქსირებიათ. მაგალითად, მინვალებადი ცეცხლოვანი ბურთი მოულოდნელად გაკაშკაშდა. ეს მოვლენის მიზეზი ასტროფიზიკოსებმა ჯერჯერობით ვერ ამოხსნეს.

თერმობირთვულ აფეთქებას მეცნიერებმა I ტიპის რენტჰენული გამოსხივების სტატუსი მიანიჭეს. აღსანიშნავია, რომ 20 წამის განმავლობაში იმ რაოდენობის ენერგია გამოსხივდა, რასაც მზე 10 დღის განმავლობაში ასხივებს.