46 წლის ქალს ქმართან სექსის შემდეგ ალერგიული შეტევა განუვითარდა და საავადმყოფოში გადაიყვანეს. გავრცელებული ინფორმაციით მერილენდელი ქალის კომატოზურ მდგომარეობაში ჩავარდნის მიზეზი გახდა ის, რომ ქმარი მედიკამენტური მკურნალობის კურსს გადიოდა, ხოლო ქალის ორგაზმის განცდისას კი მამაკაცის სპერმაში ორგანიზმიდან წამლის ის ნაწილაკები გამოიყო, რომელმაც მისი მეუღლის ჯანმრთელობაზე ნეგატიურად იმოქმედა. ინფორმაციას INDEPENDENT-ი ავრცელებს.

გავრცელებული ინფორმაციის თანახმად, სექსიდან რამდენიმე ხნის შემდეგ ამერიკელი ქალი განიცდიდა თავბრუსხვევას, ჰქონდა ძლიერი დიარეა, ქავილი ფეხებსა და ხელებზე და რამდენჯერე გონებაც კი დაკარგა.

საავადმყოფოში ექიმებს თავდაპირველად ეგონათ, რომ იგი სეფსისით იყო დაავადებული, რადგან დაბალი წნევა აღენიშნებოდა, თუმცა გამოკვლევების შემდეგ დადგინდა, რომ მისი ავად ყოფნის მიზეზი ქმრის მიერ მიღებული ანტიბიოტიკები იყო, რომელზეც ქალის ორგანიზმს უკურეაქცია ჰქონდა-

გაცხადებული ინფორმაციით დადგინდა, რომ ქმარი მკურნალობდა ბაქტერიაზე ნაფიცილინის ანტიბიოტიკით, რომელიც პენიცილინის ჯგუფში შედის.

ქალს კი სწორედ პენიცილინის ჯგუფის წამლებზე ჰქონდა ბავშვობაში მძიმე ალერგია მიღებული, რა დროსაც ექიმებმა აუკრძალეს ზემოხსენებული მედიკამენტური საშუალებებით მკურნალობის კურსის ჩატარება მომავალში.

მას შემდეგ, რაც ექიმებმა გაწერეს პაციენტი საავადმყოფოდან, მკაცრად აუკრძალეს ქმართან სექსუალური ურთიერთობის დამყარება მანამ , სანამ მისი მეუღლე არ დაასრულებს გამოჯანმრთელების პროცესს.