დღეს გავრცელებული ინფორმაციით რუსეთში  ოლიმპიურმა ჩირაღდნმა კიდევ ერთხელ „შეირცხვინა“ თავი. მისი აფეთქების შედეგად 13 წლის გოგონას ხელი დაეწვა.

საინტერესოა საბედისწერო ჩირაღდნების შექმნის ისტორია.

სოჭის ოლიმპიური თამაშებისთვის ჩირაღდნებს კრასნოიარსკის მანქანათმშენებელი ქარხანა ამზადებს. სულ შეკვეთილია 16 ათასი ცალი.

ჩირაღდნის წვის დრო რვა წუთს შეადგენს. მწარმოებელთა აზრით, ჩირაღდანმა ურთულეს კლიმატურ პირობებს უნდა გაუძლოს - 40 გრადუს ყინვას, 35 მეტრი წამში ქარს. ჩირაღდნის წონა 1,8 კილოგრამია. თითო ჩირაღდნის წარმოების ღირებულება12,8 ათას რუბლს შეადგენს. ერთი ეგზემპლიარის დამზადებას 2 საათს ანდომებენ.

სოჭში ზამთრის ოლიმპიური თამაშების ცეცხლის ესტაფეტა რუსეთში 7 ოქტომბერს დაიწყო და 2014 წლის 7 თებერვალს მოსკოვში დასრულდება. ოლიმპიური ცეცხლი რუსეთის 83-ვე რეგიონის დედაქალაქებს შემოივლის, აგრეთვე აიტანენ ელბრუსზე და ჩრდილოეთ პოლუსზე.