რუსეთის ბრძოლა საქართველოს ეკლესიის წინააღმდეგ

რუსეთის ბრძოლა საქართველოს ეკლესიის წინააღმდეგ - ასი წლის წინანდელი ქრონიკა

სოც.მედია - 11:33, 08 Nov, 2019

1837

გიორგი ასტამაძე აქვეყნებს ფოტოს და არქივში დაცულ ფაქტებზე დაყრდნობით იხსენებს ასი წლის წინანდელ, საქართველოს ეკლესიის სასულიერო პირების ბურუსით მოცულ მკვლელობებს.

დეკანოზ ნიკიტა თალაქვაძის მემუარებიდან:
"საბედისწერო ტყვიამ 1918 წლის 26-27 ივნისს, გათენებისას განგმირა გული წამებულ კირიონისა მარტყოფის მონასტერში! სისხლით შეიღება კათოლიკოზის კათედრა. ახალი ჭორები, ახალი ცილისწამება მიცვალებულზედაც - თავი მოიკლაო, ტყუილია...
1918 წლის ენკენისთვეს დაიღუპა ქუთათელი მიტროპოლიტი ანტონი. ეს მოაწამვლინეს მისსავე სიძეს, ტომით ფინლიანდიელს, რომელსაც ცოლად ჰყავდა ანტონის ქალი... ნაწლავები ტფილისში გამოგზავნეს გამოსარკვევად, აქ ექიმმა ლომოურმა ქიმიურად გამოიკვლია და აღმოჩნდა შიგ ვერცხლისწყალი და თაგვის შაქარი - მიშიაკი!
კირიონის სიკვდილის შემდეგ მირიან ბერი (ესეც კირიონის ერთგული იყო) ვიღაცეებმა არმაზის მონასტერში დაჰფლითეს, დაჰგლიჯეს. ნაჭერ-ნაჭერ იპოვეს მისი გვამი იმ არე-მარეზე. ესეც ბნელით მოცული, გამოურკვეველი დარჩა მთავრობის მიერ...
როდესაც მეორე საეკლესიო კრების მოწვევა მოახლოვდა, ბაკურაძე მღვდელს საეკლესიო კრებისთვის შეუდგენია მოწოდება, რომელშიდაც ის სასტიკად მხილების კილოთი ამჟღავნებდა ყოველივე იმ ბოროტ-მოქმედებას, ეკლესიის სფეროში გამეფებულ ცარცვა-გლეჯას და უსაქციელობას, რომელსაც კირიონის მოკვლის შემდეგ ჰქონდა ადგილი. 1920 წლის ივლისში, კრების გახსნის წინა ღამით, შაბათ საღამოს, მღვდელი ტიმოთე ბაკურაძე, როდესაც ის ბრუნდებოდა ლოცვიდან სახლში, 8 საათზე, ვერაგულად მოკლულ იქმნა მისსავე სახლის მახლობლად ჩასაფრებულ პირისგან..."
ფოტოზე: კირიონ კათალიკოსის მკვლელობის შემდეგ გამართული პროცესია თბილისის ქუჩებში. 1918 წელს საქართველოში მყოფი გერმანული მისიის ფოტო.