ინდოეთში მამაკაცმა მეგობართან სანაძლეო დადო, რომ შეჭამდა 50 კვერცხს, თუმცა 42-ე ერთეულის ჭამის შემდეგ გარდაიცვალა. ამის შესახებ წერს DAILYMAIL-ი.

სუბჰაშ იადავს მეგობარმა სანაძლეო დაუდო , რომ თუ 50 ცალ კვერცხს შეჭამდა 21 ფუნტ სტერლინგს მისცემდა. მან მეგობრისგან ეს გამოწვევა მიიღო და როდესაც უკვე 42-ეს ჭამდა გული წაუვიდა.

იგი დაუყოვნებლივ საავადმყოფოში გადაიყვანეს, თუმცა რამდენიმე საათის შემდეგ გარდაიცვალა. ექიმების განცხადებით, უბედური შემთხვევის მიზეზი უმი კვერცხის დიდი რაოდენობით ჭამის შედეგად გამოწვეული ინტოქსიკაცია იყო. ოჯახი აღნიშნულთან დაკავშირებით ამ დრომდე არ აკეთებს კომენტარს.