55 წლის კიანუ რივზი 46 წლის შეყვარებულთან, მხატვარ ალექსანდრა გრანტთან ერთად საჯაროდ პირველად გამოჩნდა. ამის შესახებ წერს DAILYMAIL-ი.

გამოცემის ინფორმაციით, შეყვარებულები ლოს-ანჯელესში საქველმოქმედო ფესტივალზე გამოჩნდნენ.

როგორც ტაბლოიდები აცხადებენ, კიანუს მხატვარ ქალთან რამდენიმე თვეა რაც სასიყვარულო ურთიერთობა აქვს, თუმცა წყვილი არ ასაჯაროვებდა მათ დამოკიდებულებას ერთმანეთის მიმართ.

ჰოლივუდის მსახიობს სერიოზული ურთიერთობა არ ჰქონია ათწლეულის მანძილზე და არასდროს გამოსულა წითელ ხალიჩაზე არც ერთ ქალთან ერთად თავისი 35 წლიანი კარიერის მანძილზე.