უკანასკნელ პერიოდში, მსოფლიოში ადამიანთა პირადი მონაცემების, საბანკო ანგარიშებისა თუ სხვადასხვა სოციალური ქსელის გატეხვის ფაქტები, რაც ადამიანებს მძიმე მორალურ, პოლიტიკურ, თუ ფინანსურ ზიანს აყენებს.

მსოფლიოში უფრო და უფრო ხშირად ისმის პირად მონაცემთა დაცვის გაძლიერების აუცილებლობის შესახებ. უპირველეს მეთოდად ამ კუთხით ძლიერ პაროლს ასახელებენ. მაგრამ ცხადია, რომ ბოლო დროს თუნდაც ძლიერი პაროლი გამოსავალი არ არის.

მხოლოდ ბრიტანულმა ორგანიზაციამ Cifas-მა გასულ წელს 190 ათასი ასეთი დანბაშაულის ფაქტი დააფიქსირა, Facebook-მა ოფიციალურად აღიარა, რომ მოხდა მილიონობით მისი მომხმარებლის მონაცემების გატეხვა, ხოლო 2013-14 წლებში Yahoo!-მ - 3 მილიარდამდე მომხმარებლის ელექტრონული ფოსტაში არასანქცირებული შეღწევის ფაქტები.

"თითოეულ ადამიანს დიდი რაოდენობის აქაუნთებისა და შესაბამისად პაროლების გამოყენება უწევს. ეს საკმაოდ რთულია და მათ უმრავლესობა სხვადასხვა სისტემაში შესასვლელად ერთიუდაიგივე პაროლის გამოყენებას იწყებს, რაც მათ ადვილად გატეხვადს ხდის," - აცხადებენ კიბერუსაფრთხოების ექსპერტები.

საქმე იქამდეც მივიდა, რომ უკვე დაიწყო საუბარი პაროლების გამოყენების შეწყვეტაზე, რაც ზოგიერთის აზრით, აიტისპეციალისტებზე გამოყოფილ სახსრებსაც დაზოგავს, რომლებიც "დავიწყებული" პაროლების აღდგენით არიან დაკავებული.

ევროკავშირმა ახალი წესი შემოიღო - ფასიანი მომსახურების გაწევის დროს კომპანიები ვალდებული არიან კლიენტის პიროვნების დადასტურების მინიმუმ ორსაფეხურიანი სისტემები გამოიყენონ.

ხშირად ბანკები ამისთვის სმს-გზავნილებს, ან სხვა სახის დამატებით მოწყობილობას იყენებენ, თუმცა, ექსპერტები აცხადებენ, რომ აუცილებელია ბიომეტრიის ჩართვაც.

მაგალითად, თქვენი საბანკო ბარათის "ასამუშავებლად აუცილებელი იქნება ორი ეტაპი - PIN-კოდი და რაიმე ბიომეტრიული მონაცემი (მაგალითად თითის ანაბეჭდი).

მსოფლიოს არაერთმა მსხვილმა ბანკმა უკვე ჩადი ამ კუთხით ინვესტიცია და უსაფრთხოებისათვის ფიზიკური ბიომეტრიის (ხმა, სახის ამომცნობი, თითის ანაბეჭდი) გამოყენებას აპირებენ. ხოლო ბანკმა NatWest უკვე სცადა თითის ანაბეჭდიანი საბანკო ბარათის გამოყენბება.

პოპულარული ხდება ამ მიმართყულებით სმარტფონების გამოყენება, რომელთაც ასევე შეუძლია თითის ანაბეჭდის ან სახის ამოცნობა.

არის თუ არა ეს უსაფრთხო?

ჩინელი მეცნიერები მაგალითად ამტკიცებენ, რომ თითის ანაბეჭდის აღება მარტივია, თუნდაც რამდენიმე მეტრის დაშოირებით გადაღებული სურათის მეშვეობით. შესაბამისად ყველა თანხმდება, რომ აუცილებელია იდენტიფიკაციის რამდენიმე მეთოდის ერთდროული გამოყენება, მათ შორის განიხილება ადგილმდებარეობის განსაზღვრა, ტქვენს მიერ შეძენილი პროდუქციის ისტორა, ტელეფონის დაჭერის მეთოდი და აშ.