კბილაშვილი: ჟვანიას საქმეში ჯერ ნივთების შესწავლა მიმდინარეობს, შემდეგ დაიკითხებიან მოწმეები

სამართალი - 20:35, 21 Oct, 2013

1816

არჩილ კბილაშვილის თქმით, უფრო მნიშვნელოვანია შემთხვევის ადგილიდან ამოღებული ნივთების შესწავლა და ექსპერტიზა, ვიდრე მოწმეების ჩვენებები, რადგან ჩვენებები მაინც სუბიექტურია და ადამიანურ აღქმაზეა დამოკიდებული.

,,მოწმეები მოგვიანებით სტადიაა, იქნება მოწმე და რა თქმა უნდა ესმნიშვნელოვანია, მაგრამ უფრო მნიშვნელოვანია, რასაც მატერია შეიცავს. პირველი ეტაპის მუშაობა მიდის მატერიასთან , როცა დადგინდება ის, რაც საეჭვო აღარ იქნება, როცა ამოიწურება ნივთებზე და საგნებზე შესწავლა ,ამის შემდეგ მოწმეების დაკითხვა დაიწყება. ჩვენთვის ოფიციალური ვერსია არ არსებობს. ვსწავლობთ ყველა ვერსიას,“-აცხადებს კბილაშვილი გადაცემა ,,დიდი პოლიტიკაში“ საუბრისას.

მისი თქმით, ჟვანიას ოჯახის განცხადება, რომ ყველაფერი ნათელია და საქმე ,,თავდაყირა“ დადგება, ემოციურ ფონს უკავშირდება. კბილაშვილის განცხადებით, ოჯახს სხვა არანაირი ინფორმაცია არ აქვს ,გარდა იმისა,რასაც პროკურატურა ფლობს.

,,მათ სუბიექტივიზმის მაღალი ხარისხი აქვთ და ემოციის დიდი ნაკადიც. აქედან გამომდინარე მათ შეიძლება გააკეთონ ასეთი განცხადება, მაგრამ ეს პროკურორის მხრიდან გასაჟღერებელი არაა. ფაქტი ჯერ უნდა დადგინდეს, რასთან გვაქვს საქმე- უბედურ შემთხვევასთან თუ მოკვდინებასთან? მას შემდეგ, რაც ფაქტი იქნება დადგენილი შეგვიძლია ვისაუბროთ ადამიანებთან მიმართებაზე, მაგალითად თუ მოკვდინებასთან გვაქვს საქმე უნდა ვეძებოთ ადამიანური ფაქტორი, ახლა ამ ფაქტის დადგენის ირგვლივ ვტრიალებთ,“-განაცხადა კბილაშვილმა.