გთავაზობთ მამუკა ჯინჭარაძის ოჯახის მიერ გავრცელებულ განცხადებას: 

2008  წელს  125   მილიონ დოლარად  შეფასებული   სახალხო    ბანკი   (ახლანდელი ლიბერთი  ბანკი) ყოფილი ხელისუფლების მხარდაჭერით, დანაშაულებრივი გზით წართმეულ იქნა კანონიერ მესაკუთრეებისგან.

 ლიბერთი ბანკის ყოფილი მფლობელის, მამუკა ჯინჭარაძის ოჯახი, მაღალჩინოსნებს ლიბერთი ბანკის უკანონოდ მიტაცებაში ადანაშაულებს.

 ჯინჭარაძის ოჯახის წარმომადგენელი დავით ერისთავი აცხადებს, რომ ბანკის წართმევაში მთელი სახელმწიფო მანქანა , ფინანსური პოლიცია და ეროვნული ბანკი მონაწილეობდა.

 აღსანიშნავია ის ფაქტი, რომ  წართმევიდან რამდენიმე თვეში სახალხო ბანკი ყოფილ პრემიერ მინისტრს ლადო გურგენიძეს გადაეცა, რომლის მართველობაშიც დღემდე იმყოფება. 

 არესებობს საფუძვლიანი ეჭვი, რომ ადგილი აქვს დანაშაულის დაფარვის მცდელობას და  საქმის ხელოვნურ გაჭიანურებას.

 ერისთავის იურიდიული ჯგუფი, რომელიც   ჯინჭარაძის ოჯახის მხარეს წარმოადგენს, ამ თემასთან დაკავშირებით სამშაბათს 22 ოქტომბერს 13.00 საათზე სასტუმრო რედისონში   პრესკონფერენციას მართავს.