აფხაზეთის მარიონეტული რეჟიმის გენერალურმა პროკურორმა აფხაზეთის „უზენაეს სასამართლოში“ შეიტანა წარდგინება, დეპუტატ კვიცინიას ქმედებებში დანაშაულის არსებობის შესახებ, კერძოდ, ორი პირის წინასწარგანზრახული მკვლელობისა და ადამიანის გატაცების თაობაზე, რომელიც შეასრულა ორგანიზებულმა ჯგუფმა დაკვეთით, - იუწყება http://abkhazeti.info.

14 ოქტომბერს ოჩამჩირიდან 30 კილომეტრში, მთლიანად გადამწვარ სოფელ ახალდაბაში, ერთერთი მიტოვებული სახლის ჭაში აღმოაჩინეს ერთი წლის წინ დაკარგული რუსი ბიზნესმენის - სერგეი კლემანტოვიჩისა და მისი მეუღლის ცხედრები.

რუსეთის ფედერაციისა და საბერძნეთის მოქალაქე კლემანტოვიჩს აფხაზეთში ბიზნესი ჰქონდა. ის გაგრაში დარეგისტრირებული კომპანიის "El Petroleum Abkhazia"-ს გენერალური დირექტორი იყო.