ქალმა არ იცოდა მკერდის კიბო რომ ჰქონდა, სანამ მუზეუმში უცნაური ფოტო არ გადაიღო

ეს საინტერესოა - 02:58, 24 Oct, 2019

2125

ინგლისში, ქალაქ სლაუში, ბერკშირის საგრაფოში მცხოვრებმა ქალმა გადაწყვიტა შოტლანდიაში მოენახულებინა „კამერა-ობსკურას და ილუზიების სამყაროს“ მუზეუმი, სადაც მან სრულიად შემთხვევით აღმოაჩინა, რომ ძუძუს კიბოს მძიმე სენით იყო დაავადებული.

ედინბურგის ღირშესანიშნაობების დათვალიერებისას, 41 წლის ბოლ ჯილი ოჯახთან ერთად მუზეუმს ეწვია. „ჩვენ მუზეუმში დავსეირნობდით, რა დროსაც ერთ-ერთ ოთახში მოვხვდით, სადაც სატელევიზიო კამერა იყო დამონტაჟებული, - იხსენებს ქალი. - როგორც ყველა, ჩვენც ხელებს ვაქნევდით და ვუყურებდით ფოტო შედეგებს“ - ამბობს ქალი.

ბრიტანელმა ქალმა, თერმული ვიზუალიზაციის დროს, მისი მარცხენა მკერდის მიდამოში წითელი ლაქა შეამჩნია. „დავრწმუნდით, რომ სხვებს მსგავსი რამ არ ჰქონდათ, რაც ძალიან უცნაურად გვეჩვენა“ - ამბობს ის. „გადავიღე სურათი და გავაგრძელე მუზეუმის მონახულება“.

რამდენიმე დღის შემდეგ, ჯილი დაბრუნდა მოგზაურობიდანდა გადაწყვიტა მუზეუმში გადაღებული სურათი დაეთვალიერებინა. გაახსენდა რა მუზეუმში მომხდარი ფაქტი, დაიწყო ინტერნეტში ინფორმაციის დეტალური მოძიება. „ძალიან ბევრი სტატია ვიპოვე ძუძუს კიბოს შესახებ“ - აცხადებს ჯილი. ამის შემდეგ, ქალი გამოკვლევაზე მივიდა კლინიკაში, სადაც მას ძუძუს კიბოს ადრეული სტადია დაუდგინდა.

ჯილმა ორი ოპერაცია გაიკეთა და ამჟამად ის მესამე ქირურგიული ჩარევისთვის ემზადება. „მინდა მადლობა გადავუხადო მუზეუმს, რომ არა ისინი, მე ვერასოდეს შევიტყობდი ამ დაავდების შესახებ“.

მუზეუმის აღმასრულებელმა დირექტორმა ენდრიუ ჯონსონმა ამ ფაქტის შეტყობის შემდეგ, აღნიშნა, რომ აქამდე არაფერი იცოდა მათი კამერების შესაძლებლობის შესახებ. „შესანიშნავია ის ფაქტი, რომ ბოლმა შეამჩნია კამერაზე დაავადება და შეძლო მისი დროულად მკურნალობა“ - განაცხადა ჯონსონმა.

წყარო: Daily Mirror

„კამერა-ობსკურას და ილუზიების სამყაროს“ მუზეუმი, ედინბურგი