ხაშურში ცოლის მკვლელობაში ბრალდებულს კიდევ ერთი მკვლელობა აქვს ჩადენილი?

სამართალი - 12:38, 21 Oct, 2019

1783

ხაშურში, 30 წლის ცოლის მკვლელობაში ბრალდებულ ირაკლი დეკანოიძის შესახებ ახალი და მძიმე ბრალდება გაჩნდა.

დეკანოიძეს კიდევ ერთი პირის მკვლელობაში ადანაშაულებენ.

მოქალაქე მარიამ გვარამაძე ირწმუნება, რომ წლების წინ მისი შვილი, ირაკლი მეტრეველი მოკლა, თუმცა, სასჯელი არ მოუხდია.

შვილმოკლული დედის თქმით, მკვლელობაში მონაწილეობდა დეკანოიძის მამაც, თუმცა, მან საპატიმრო ვადაზე ადრე დატოვა.

"ეს ჩემი შვილი დავით მეტრეველია, რომელიც რამდენიმე წლის წინ, მერაბ და ირაკლი დეკანოიძეებმა ახალციხის სოფელ აგარაში, ავტომატით მომიკლეს . ეს ლამაზი ღიმილი სამუდამოდ წაართვეს და გაუყინეს. ოჯახი სამუდამო ტანჯვაში ჩაგვაგდეს და 2 წლის ბავშვი ობლად დაუტოვეს. ირაკლი დეკანოიძე გადამალეს , ხოლო მერაბ დეკანოიძეს 14 წელი პატიმრობა მიესაჯა, მაგრამ ვადაზე ადრე გამოვიდა ციხიდან. რატომ? ირაკლი დეკანოიძემ ახლა ხაშურში ჩაიდინა მკვლელობა და მკვლელი მამა მკვლელი შვილის გამართლებას ცდილობს.

მე შვილმოკლული დედა, დეკანოიძის ადვოკატებს თხოვნით მივმართავ , ვიდრე ასეთ მკვლელების დაცვას გადაწყვიტავენ შვილმკვდარი მშობლების თვალით შეხედონ და მკვლელის დაცვის სურვილი გაუქრებათ სამუდამოდ. მე ვითხოვ ირაკლი დეკანოიძე უმკაცრესად დ ა ი ს ა ჯ ო ს"- აცხადებს მოკლულის დედა.

ცნობისთვის, 12 ოქტომბერს ახალგაზრდა ქალი, ნათია გოგალაძე განსაკუთრებული სისასტიკით მოკლა. საქმის მასალების თანახმად, დეკანოიძემ ყოფილ ცოლს მაღაზიაში ხელყუმბარა შეუგდო, რომელიც არ ამოქმედდა. ამის შემდეგ კი კაცმა 2 შვილის დედას კონდახით თავის არეში უმძიმესი ჭრილობები მიაყენა.

ნათია გოგოლაძე საავადმყოფოში მიყვანიდან რამდენიმე საათში გარდაიცვალა.მკვლელობაში ბრალდებული ირაკლი დეკანოიძე, პოლიციამ ცხელ კვალზე დააკავა.

შინაგან საქმეთა სამინისტროს ცნობით, წარსულში ნასამართლევმა მამაკაცმა ყოფილ მეუღლეს ავტომატური ცეცხლსასროლი იარაღის კონდახით თავის არეში სასიკვდილო დაზიანებები მიაყენა და შემთხვევის ადგილიდან მიიმალა. ჩადენილი დანაშაული 13-დან 17 წლამდე ვადით თავისუფლების აღკვეთას ითვალისწინებს.

ირაკლი დეკანოიძე ბრალს ნაწილობრივ აღიარებს. ის ამბობს, რომ მას მკვლელობა წინასწარ განძრახული არ ჰქონია.