"გავრილოვის ღამის" საქმეზე ბრალდებული ერთადერთი სპეცრაზმელი ლევან იმერლიშვილი გაათავისუფლეს.

იმერლიშვილის ადვოკატის ანა კოტეტიშვილის თქმით, მისი დაცვის ქვეშ მყოფი დანაშაულს აღიარებს.

„დაზარალებულს კონკრეტულად თავის არეში არა, მაგრამ სახის მიდამოში ჰქონდა დაზიანებები და სხეულის სხვა ნაწილებში დაზიანებები. ჩემი დაცვის ქვეშ მყოფი წარდგენილ ბრალში სრულად ცნობს თავს დამნაშავედ, შესაბამისად მიგვაჩნია, რომ სასამართლო ჩვენი აღიარების საფუძველზე მიიღებს ობიექტურად სამართლიან გადაწყვეტილებას" - აღნიშნა ადვოკატმა.