საქართველოსკათალიკოს პატრიარქი, უწმინდესი და უნეტარესი, ილია მეორე, თავდაცვის სამინისტროს ტერიტორიაზე განახლებულ ტაძარს ესტუმრა.

მთავარანგელოზთა დასის სახელობის ახლად რესტავრირებული ტაძარი პატრიარქის ქორეპისკოსმა, მიტროპოლიტმა შიომ აკურთხა და წირვა აღავლინა.

ეკლესიის კურთხევას საქართველოს თავდაცვის მინისტრი ირაკლი ალასანია, შეიარაღებული ძალების მთავარი სამხედრო მოძღვარო (კაპელანი) და ტაძრის წინამძღოლი დეკანოზი დავითი, სამხედრო მომსახურეები და ეროვნული თავდაცვის აკადემიის იუნკერები დაესწრნენ. 

ტაძრის კურთხევის შემდეგ, კათოლიკოს-პატრიარქმა თავდაცვის სამინისტროს ეზოში გადაინაცვლა, სადაც ეკლესიის ჩრდილოეთ კედლის ყოფილი გალავნის ადგილას აღმართული ქვის ჯვარი აკურთხა. სტელაზე 1921 წლის 25 თებერვალს, რუსეთის წითელი არმიის მიერ ტაძრის ჩრდილოეთის კედელთან დახვრეტილი 6 იუნკერისა და დამოუკიდებელი საქართველოს შეიარაღებული ძალების ოფიცრის სახელები და გვარებია ამოტვიფრული. დღესვე პატრიარქმა მათი სულების მოსახსენებელი პანაშვიდიც გადაიხადა.