თამთა თოდაძის ადვოკატი თამარ ლუკავა პროკურატურისა და სასამართლოს მიერ ბრალდებულ ილია ჯიშკარიანისთვის გირაოს შეფარდებას არ ეთანხმება და ამბობს, რომ დღეს მიღებულმა გადაწყვეტილებამ აბსურდული სიტუაცია შექმნა.

ლუკავა აღნიშნასვს რომ არსებობს მოწმეებზე ზემოქმედებისა და მტკიცებულებათა განადგურების საფრთხე.

“ჩვენთვის სრულიად გაუგებარია… მაშინ როდესაც პროკურატურა აღნიშნავს, რომ არსებობს მტკიცებულებების განადგურების საფრთხე და აგრეთვე მოწმეებზე ზემოქმედების საფრთხე, რატომ არ ითხოვს ის აღკვეთის ღონისძიების სახით პატიმრობის შეფარდებას.

სამწუხაროდ ამაზე პასუხი მე პროკურატურისგან ვერ მივიღე, თუ რატომ არის წინააღმდეგობაში მათ მიერ გაჟღრებული პოზიცია და მოთხოვნა”, - განაცხადა ლუკავამ.