მთავარი პროკურორის, არჩილ კბილაშვილის განცხადებით, საქართველოს ყოფილი პრემიერ-მინისტრის, ზურაბ ჟვანიას ცხედრის ეგსჰუმაციის თარიღი ჯერჯერობით უცნობია: "აქამდეც დამიდასტურებია, რომ არის ახალი გარემოებები, ინტენსიური საგამოძიებო მოქმედებები გრძელდება, შესაბამისად, პროგნოზირება იმის, თუ რა შედეგი შეიძლება დადგეს, ჩემი მხრიდან არ იქნება მართებული. დაველოდოთ მოვლენებს. ყველა ადამიანი, მათ შორის, მოქალაქე ნათელა მოდებაძე პროკურატურის მხრიდან უკვე გამოკითხულია", - განაცხადა არჩილ კბილაშვილმა სასტუმრო "რესდისონში", სადაც მთავარი პროკურატურა სამომავლო გეგმებისა და ძირითადი პრიორიტეტების შესახებ პრეზენტაციას მართავს.

შეგახსენებთ, რომ გუშინ, მთავარმა პროკურორმა აღნიშნა, რომ ზურაბ ჟვანიას გარდაცვალების საქმეში ახლი გარემოებები იკვეთება. სწორედ ამიტომ, გამოძიება ახალ ვერსიაზე მუშაობს.