"ქვეყნიდან გასვლა ამიკრძალეს, რათა საქმე სტრასბურგში არ გავასაჩივრო"- გოგონას მკვლელობაში მსჯავრდებულის ადვოკატის პირველი კომენტარი

სამართალი - 12:22, 04 Oct, 2019

1207

20 წლის ანა ნაცვლიშვილის მკვლელობაში მსჯავრდებული ლადო გრიგალაშვილის ადვოკატი, ნაირა ოტიაშვილი მის დაკავებას გახმაურებულ საქმეებს უკავშირებს.

როგორც ოტიაშვილმა "ნიუპოსტს" განუცხადა, მას სასამართლომ ქვეყნიდან გასვლის უფლება შეუძღუდა, რაც ნიშნავს იმას, რომ ის ამ საქმეებს სტრასბურგში ვერ ჩაიტანს.
"დამაკავეს აბსოლუტურად აბსურდული ბრალდებით. დამაკავეს წარმოუდგენელ სიტუაციაში და წარმოუდგენელი საფუძვლით. ვუკავშირებ იმას, რომ საქართველოდან გასვლა შემიზღუდეს, რაც იმას ნიშნავს, რომ სტრასბურგში ვერ ჩავიტან გახმაურებულ საქმეებს. იცოდნენ, რომ ამას ვაპირებდი"- გაანაცხადა ადვოკატმა.
გრიგალაშვილის ადვოკატი ეჭვობს, რომ მას ტელეფონზეც უსმენენ.
"ტელეფონში არ მინდა, რომელ საქმეზე ვაპირებდი მიმემართა სტრასბურგისთვის. რადგან, როდესაც ტელეფონში რაღაც ჟღერდებოდა, ეს შედეგი მიიღო. აქიდან გამომდინარე არ მინდა"- განუცხადა "ნიუპოსტს" ადვოკატმა.
თბილისის საქალაქო სასამართლოს გადაწყვეტილებით, ოტიაშვილსა და მასთან ერთად დაკავებულ დედა-შვილს აღკვეთის ღონისძიების სახით 1000-1000-ლარიანი გირაო შეეფარდა.

რუსთავის ქალთა პენიტენციური დაწესებულება წუხელ დატოვეს ნაირა ოტიაშვილთან ერთად დაკავებულმა დედა-შვილმა, სვეტლანა ბეკერმა და მანია ავდალოვამაც.

გამოძიოების ინფორმაციით, დედა-შვილი და მათი ადვოკატი ნაირა ოტიაშვილი თბილისში, მოსამართლის განჩინების საფუძველზე დააკავეს. მათ ბრალი ანგარებით ან სხვა პირადი მოტივით ჩადენილ ცრუ დასმენაში ედებათ.